Temas

Este sábado 25 de setembro ás 19.00h participaremos con un showcooking-degustación gratuíto no Mercado do mar como parte da programación do Festival Mar de Mares de A Coruña. A cargo da nosa presentación estará Carlos Brión e as mans das pezas elaboradas serán as de Toni Bermúdez, o noso cociñeiro xefe en Benboa Compostela. Para asistir débeste inscribir previamente na páxina do festival que conta con 25 prazas para esta actividade. (Para inscribirte preme aquí)

O Mercado do Mar é un lugar de encontro para poñentes e publico, un escaparate onde emprendedores do mar amosan os seus produtos os cales se elaboran baixo estritos criterios de sostibilidade e respectando sempre os tempos e as regras do bo facer.

Este ano o Mercado ten unha nova localización, a Mansión 1783, un histórico edificio da Avda. da Mariña, 14 que se transforma por un día,  no mostrador da pesca artesanal de Galicia e dos produtos do mar elaborados con criterio. Showcookings, presentacións, degustacións de produtos, música e artesanía se dan cita o longo do día. Vémonos!

Curiosidade: Para os que non vos podades acercar vanse facer varios sorteos nas redes do festival, participade!