Benboa nace en Corrubedo (Ribeira, A Coruña) no ano 2012 como unha aposta polo desenrolo sostible, para colaborar no impulso da gastronomía galega, a defensa da pesca artesanal como principal fonte de abastecemento da nosa materia prima, a protección do medio ambiente e aportar o valor que merece o produto do noso mar atlántico… Seguir lendo

De proximidade, así é a cociña Benboa

O proxecto Benboa logrou poñer no mapa a gastronomía do Mar Atlántico. Unha iniciativa empresarial que ofrece aos comensais a posibilidade de degustar produtos de proximidade, entre os que destacan peixes e marisco da pesca artesanal da zona.

Enténdense como produtos de proximidade aqueles que son de tempada e foron cultivados, capturados  ou producidos preto de onde son vendidos. Contan cunhas propiedades intrínsecas que fan que se obteñan nunha época do ano determinada segundo as condicións climatolóxicas e o terreo.

A cociña Benboa baséase nestes conceptos que contribúen a un bo hábito de consumo e o beneficio de cociñar o produto no seu momento óptimo para obter todas as súas propiedades.

A liña dos pratos da cociña Benboa baséase nos principios da dieta atlántica, cunha preparación coidada, rica e saudable. A dieta atlántica, á parte dos peixes e mariscos, tamén concede gran importancia ás carnes e vexetais da terra e os seus viños autóctonos. Benboa conta en adega coa súa propia marca Atlanteat, deliciosos viños con denominación de orixe.

A base da súa cociña identifícase coa terra galega mediante o uso de técnicas tradicionais, como o afumado, os escabeches e as brasas.

Benboa atópase nunhas instalacións que permiten ao visitante realizar un roteiro guiado: mercar na peixaría os produtos naturais da zona, adquirir os pratos cociñados para levar ou deleitarse coméndoos alí mentres observa como llos preparan no obradoiro. A comida en Benboa achégate a recrear a experiencia de estar a bordo dun barco no mar. Ingresar polas portas de Benboa significa adentrarse nunha experiencia marítima ademais de coñecer a gastronomía e os costumes culinarios de Galicia.

Benboa é unha forma saudable de coñecer en profundidade os praceres de Galicia para todo aquel que queira coñecelos.