Showing 98 Result(s)
Bao recheo de boloñesa de bonito, queixo de Arzúa e pesto

Bao recheo de boloñesa

A proposta de Benboa: Bao recheo de boloñesa de bonito, queixo de Arzúa e pesto

Ata o día 13 de novembro poderás degustar esta tapa orixinal que preparamos para o concurso do Santiago (é)tapas.

Bao recheo de boloñesa      Bao recheo de boloñesa

Que é o Santiago (é) tapas?

Un concurso de tapas entre a hostelería de Santiago de Compostela no que pode participar todo o mundo.

Cando se celebra o concurso? 

Cada ano chegado o outono. Este 2022 do 27 de outubro ao 13 de novembro.

Cantas rutas de tapas hai?

Existen 6 rutas de tapas entre elas este ano tres extra: Gluten free, Pet friendly e a Ruta Veggie. Podes velas todas nesta ligazón.

En que rutas se atopa Benboa?

Estamos na ruta do camiño do Norte e tamén na ruta Pet friendly.

Cales son os premios por participar?

Unha vez completada e selada unha ou varias (é)tapas no teu Tapasporte (podes pedilo na Oficina de Turismo,  na Asociación Hostalaría Compostela ou nos locais participantes), preséntao na Oficina de Turismo de Santiago (Rúa do Vilar, 63) e consigue o teu agasallo.

TAPASPORTE A – TAPASPORTE B 

Premios directos ata finalización de stock (poderán ser canxeados por outros de igual valor en función da dispoñibilidade).

Os agasallos poderán recollerse na Oficina Municipal de Turismo (Rúa do Vilar, 63) ata o 1 de decembro de 2022 (incluído) en horario de 10.00 a 18.00 h.

1 (é)TAPA COMPLETADA

1 agasallo a elixir entre:

— 2 entradas para Cineuropa ou
— 1 mandil de Compostela Diversa ou
— 1 regalo promocional Mahou

2 (é)TAPAS COMPLETADAS

— Mandil Santiago(é)Tapas

3 (é)TAPAS COMPLETADAS

1 agasallo a elixir entre:

— 1 pack de viños ou
— 1 botella de Áncora de Silleiro

4 (é)TAPAS COMPLETADAS

1 agasallo a elixir entre:

— 1 abono para a temporada da SD Compostela ou
— Vale de 50€ para o Mercado de Abastos

5 (é)TAPAS COMPLETADAS

— 1 abono dobre para toda a tempada do Obradoiro CAB

6 (é)TAPAS COMPLETADAS

— Cea para dúas persoas no restaurante gañador do Santiago(é)Tapas da edición anterior: A Maceta.

Premios directos ata finalización de stock.

AGASALLO A SORTEAR ENTRE TODAS AS PERSOAS QUE VOTEN A TRAVÉS DOS CÓDIGOS QR:

— Cea para dúas persoas no restaurante A Horta d’Obradoiro, cortesía de Cervezas Alhambra.

* RUTA VEGGIE

Polo consumo de 10 tapas da Ruta Veggie: 

– Xogo de catro cuncas de Artesanía de Galicia (premio directo ata finalización de stock)

– Participación nun sorteo dunha cesta de produtos veganos e vexetarianos

*RUTA SEN GLUTE

Polo consumo de 10 tapas da Ruta Sen Glute: 

– Xogo de catro cuncas de Artesanía de Galicia (premio directo ata finalización de stock)

– Participación nun sorteo dunha cesta de produtos sen glute da Asociación de Celíacos de Galicia.

* RUTA PET-FRIENDLY (CAN CAT)

Polo consumo de 10 tapas da Ruta Pet-Friendly: 

– Xogo de catro cuncas de Artesanía de Galicia (premio directo ata finalización de stock)

– Participación nun sorteo dun ‘Plan Vacinal’ para unha mascota para todo un ano + un regalo sorpresa de Can Cat.

Como votar polo «Bao recheo de boloñesa de bonito, queixo de Arzúa e pesto» de Benboa ?

Escanea o código QR que atoparás nos local e completa o formulario online.

Dende un mesmo terminal só se admitirá un voto por tapa participante.

Horario de tapas de Benboa?

Atópanos de 13:30-15:00/ 20:00-22:00 (excepto domingo noite e luns todo o día que pechamos por descanso)

coitelos

Coidado! Coitelos

O bo estado das ferramentas de cociña confire unha boa presentación as propostas culinarias. Nesta edición de Caldo de faragullas falamos sobre coitelos e algún truco para o seu correcto mantemento.

Tipos de coitelos

Sabemos que un coitelo afiado e ben coidado é dun cociñeiro. Sempre temos o noso preferido para tódolos o usos. Nembargantes,  para certos alimentos, convén escoller o axeitado para non desgastar o bordo. Cada coitelo ten un comportamento  distinto. Isto significa que a capacidade de corte non é a mesma nun coitelo novo que nun usado.

 

coitelos
coitelos

 

Coitelo pataqueiro (puntilla)

Tratase de ese coitelo que sempre atoparás atravesado pola cociña, é un dos peladores mais xeitosos para cortar patacas. Pequeno, lixeiro e manexable cunha punta moi afiada,  serve para pelar todo tipo de tubérculos, froitas e verduras.

Coitelo ceboleiro, «de chef» ou cociñeiro

Atoparás que algúns coitelos ceboleiros teñen buracos na folla para impedir que os alimentos se peguen. Para cortar de xeito rápido e fino os ingredientes de dureza media-alta, debes suxeitalo pola parte máis próxima ao mango, a parte máis cómoda para traballar coa cebola, o pemento ou as carnes.

Xamoneiro

Coñecese con este nome a un tipo de coitelo de folla longa, estreita e flexible acabado en punta afiada. Os profesionais do sector din que o corte manual axuda a conservar as propiedades organolépticas do produto. Este coitelo vai acompañado amiudo de un afiador de man e outras ferramentas profesionais.

Coitelos de serra

Tratase dun coitelo de folla longa e dura co bordo en serra axeitado para cortar o pan. Ademais, hai coitelos de serra menos aguda que se utilizan para cortar tomate ou produtos brandos con corteza dura. Podemos atopar ademais de coitelos peladores cos bordos dentados para este tipo de traballo.

Coitelo para filetear

Delgado, con folla estreita e bordo fino. Úsase para trinchar todo tipo de carnes.

Machete ou coitelo de carniceiro/a

Cunha folla estable e ancha, de forma rectangular, apta para picar grandes pezas de carne, ósos de aves e costeletas.

Infinidade de estilos

 

«Dependendo da cultura de cada pais atoparás outros tipos de coitelos tan multiusos como o noso ceboleiro. O coitelo santoku é o favorito da cociña asiática conta cunha folla ancha e moi afiada. Ten tres usos principais: carne, peixe e verduras.»

Coco chef de Benboa Corrubedo

O coitelo de salmón ou o coitelo de pescada son específicos nas peixarías. No mercado atoparemos todo tipo de coitelos con bordos diferentes para cortar con xeito. O mais importante é facer un bo uso e mantemento das ferramentas.

Mantemento dos coitelos

  1. Lembra limpalos e secalos canto antes, algúns ácidos de verduras e froitas atacan a folla.
  2. Gárdaos nun lugar onde non se toquen entre eles, os roces poden desgastar as follas.
  3. Recomendase almacénalos nun bloque de madeira.
  4. Lávaos a man, os lavalouzas desgastan os mangos de madeira e os bordos.
  5. Afíaos de cando en vez para atopalos sempre a punto.

Segue os nosos reels para coñecer mellor a sección Caldo de Faragullas.

Suscríbete ao noso blogue e recibe todo no teu correo!

peixes

Faq: Que peixes tendes na carta?

Moita xente pregunta a miúdo que peixes temos na carta por iso queremos despexar algunhas dúbidas ao respecto con este tema.

Xunto aos peixes frescos na nosa carta atoparás un: «Consultar táboa»

Peixes na táboa do día

Os peixes e mariscos que ofrecemos no noso gastromercado son peixes frescos capturados a diario polos barcos que faenan nas nosas costas. Dependemos das capturas diarias pero pode ser que, aínda sendo a tempada de algún peixe en particular, non o teñamos porque non foi presa nas capturas. Dependemos da estación do ano, da sorte e tamén da casualidade da faena de ese día de traballo. Na táboa que atoparás en cada local Benboa indicamos cada día de que especies dispoñemos no gastromercado.

Hai peixes frecuentes durante todo o ano e por outra banda hai peixes que están dispoñibles só en meses concretos. Para ter unha idea xeral fixemos  uns breves apuntes a ollo dos peixes segundo a tempada:

PRIMAVEIRA
Atún, congro, lirio, xarda,San Martiño, linguado, pescada, rodaballo galego, raia, peixe sapo, sardiña.

VERÁN
Sardiña, bonito, peixe espada, escarapote, xurelo, chincho.

OUTONO
Como nos di Rogelio Santos Queiruga  nesta tempada «todo o peixe esta bo». Eses que son deste tempo son:
Dourada salvaxe, robaliza, salmonete ou barbo

INVERNO
Ollomol, robaliza salvaxe, bacallau, xarda.

Comer especies de tempada é bo para coidar a nosa saúde pois non hai mellor produto que o de proximidade. Para que consumir peixe na tua dieta sexa ben doado podes seguir os consellos de «Vai de peixe» e mergullarte de cheo cos produtos do mar.

Que non sabes recoñecer nin diferenciar un peixe de outro? Suscríbete ao noso blogue e toma nota!

Por certo, sabías cal é o segredo da nosa lonxevidade?