Showing 7 Result(s)

10 Mandamentos Sostibles

O Día Mundial do Medioambiente celebrase cada ano o 5 de xuño. Foi establecido así pola Organización das Nacións Unidas para fomentar a conciencia e o respeto polo coidado do medio entre a poboación.

Compartimos estes 10 Mandamentos Sostibles no blogue para que lle podas dar difusión a través das redes sociais porque a protección e a saúde do planeta é cousa de todos.  Esta é unha cuestión de importancia vital que afecta ao noso benestar e o desenrolo económico en todo o mundo.

Dende a individualidade podemos adoptar unha conducta responsable que sume á preservación e á mellora.

 

1. Utiliza a enerxía con moderación

Lembra apagar as luces se es o último en saír da habitación ou desenchufar o cargador do móbil se non o estas utilizando. Non empregues os eletrodomésticos a media carga. Utiliza luz natural sempre que sexa posible.

2. Produce o menos ruído posible.

O ruído tamén é unha forma de contaminación.

3. Non desperdicies a auga.

Mentres te enxaboas, non o fagas coa billa aberta.

4. Reutiliza o papel sempre que poidas.

Se te equivocaches, sempre podes usar os folios como notas ou borradores.

5. Trata de minimizar sempre a xeración de residuos.

Son a maior fonte de contaminación. Non uses indiscriminadamente o desaugadoiro para desfacerche dos deperdicios. Recicla.

6. Separa para reciclar.

Asegúrate de tirar os residuos nos contedores adecuados.

7. Comparte coche sempre que sexa posible. 

Podes contaminar menos se compartes vehículo con outros compañeiros para ir ao traballo ou a casa.

8. Asegúrate de respectar os espazos naturais.

Se atopas lixo, recolleo para levalo a un punto limpo.

9. Compra produtos amigables co medioambiente.

Usa produtos biodegradables. Non utilices produtos agresivos.

10. Promove o coidado do medio.

Entre o resto de compañeiros comparte estas ideas ou outras recomendacións para o coidado do medioambiente.

Suscríbete a listaxe «Todas as novas» do noso blogue para recibir as novidades en medioambiente no teu correo!

Quero recibir información da listaxe de:

¡Non enviamos spam! Lee a nosa Política de Privacidade.

Proxecto RE-MAR: Custodia ambiental para a redución de residuos no Espazo Mariño Protexido do Arco Atlántico de Galicia.

Traduce el texto/ Translate

Unha idea da Asociación Amicos

O proxecto RE-MAR III está promovido pola Asociación AMICOS, en colaboración directa co Parque Nacional Marítimo e Terrestre das Illas Atlánticas, desenvolvéndose coa colaboración da Fundación Biodiversidade, o Ministerio para a Transición Ecolóxica e Reto Demográfico, a través do Programa Pleamar, cofinanciado polo Fondo Europeo Marítimo e de Pesca (FEMP). Ademáis de asociacións de pescadores, colexios e institutos de educación secundaria e empresas relacionadas coa economía azul.

RE-MAR III é a terceira edición do proxecto que busca reducir os residuos mariños en todo o arco atlántico galego, mediante a posta en marcha de diversas accións como xornadas de recollida de lixo por mar e terra, campañas de información e concienciación dos danos causados ​​na Rede Natura 2000, formación para profesionais do sector. sector pesqueiro, supervisión das prácticas de xestión de residuos a bordo de pequenas embarcacións pesqueiras e de recreo, entre outros.

De xeito transversal, RE-MAR III leva consigo o compromiso de visibilizar e empoderar ás persoas con discapacidade intelectual, como motores de cambio para os retos ambientais e sociais, e contribuír á igualdade de xénero.

Nesta edición RE-MAR pretende incidir máis nos danos colaterais que sofren as especies mariñas que habitan na Rede Natura 2000, derivados do impacto de residuos como aparellos de pesca, verteduras de hidrocarburos, colillas de cigarros ou ruídos recreativos dos barcos, mediante a difusión dunha mensaxe clara e concisa sobre a necesidade de previr, reducir e reciclar os residuos para a supervivencia das especies mariñas.

 

Obxectivos

O obxectivo xeral de RE-MAR III é reducir os residuos mariños mediante a recollida, tratamento e prevención da súa xeración coa colaboración do sector pesqueiro, utilizando a conciencia cidadá como ferramenta de custodia ambiental en todo o espazo mariño do arco atlántico galego. .

Como obxectivos específicos, destacan os seguintes:

  1. Contribuír á mellora da competitividade do sector pesqueiro mediante a creación dun Plan de Formación en función das necesidades actuais do sector e das oportunidades que ofrece a economía azul.
  2. Chegar a un maior número de persoas que participan na Rede de Voluntarios de Vixiantes Medioambientais para a prevención, recollida e eliminación de restos mariños.
  3. Impulsar a prevención, tratamento e reciclaxe de residuos a bordo dos pequenos buques pesqueiros e de recreo, mediante a revisión e mellora dos actuais sistemas de xestión de residuos.
  4. Xerar conciencia ambiental entre a poboación usuaria de portos e praias mediante a difusión do coñecemento sobre o estado de conservación das áreas mariñas protexidas e as ameazas ás que se enfrontan.

Próximas accións

Este é o terceiro ano que Amicos leva adiante o proxecto REMAR, nos cales ata o de agora se retiraron máis de 1000 kg de lixo, realizado formación a 831 alumnos/as e docentes, traballaron estes anos con 53 pescadores/ as e máis de 10 confrarías, colaboraron con máis de 4 empresas e auditaron 21 embarcacións co selo de Buque azul, entre outros resultados.

Xustamente mañá 3 de marzo de 17.00 a 19.00h  a Asociación  presenta o programa REMAR III no conservatorio de Aguiño co seguinte horario de conferencias:

16.45 Acreditación.
17.00 Benvida.Representante da Fundación Biodiversidade.
17.10 Presentación do proxecto RE‐MAR III.
17.25 Impacto dos lixos mariños na Rede Natura 2000.
Por Do José Antonio Fernández Bouzas, Director‐Conservador Parque Illas Atlánticas.
17.35 Retos e oportunidades dos mares e océanos. Por Da Rosa Carballo, Representante GALP Ría de Arousa.
17.45 Responsabilidade social empresarial. Boas prácticas ambientais no territorio. Por Da Gabriela González, Directora de Comunicación e RSC en Vegalsa‐Eroski.
17.55 Sinerxias no territorio.Valor e aporte de REMAR a través de AMICOS en escolares e traballadores do mar.
18.05 Cambio climático. Por Da Sagrario Pérez Castellanos, Directora xeral de Calidade Ambiental, Sostibilidade e
Cambio Climático.
18.15 Os lixos e o espacio mariño. Por Da Rosa Quintana Carballo, Conselleira do Mar.
18:25 Pinchos (Rúa Porto, 5, 15965 Ribeira, A Coruña)

Acción gratuíta cofinanciada polo FEMP.


Se te atopas lonxe ou estas confinando podes seguir o evento en streaming dende o facebook do proxecto: https://youtu.be/XnkpZnE4ldk

A asociación esta a elaborar o calendario de recollidas de lixo para este ano 2022 no que todo o mundo que o desexe pode apuntarse a axudar. Tan pronto o teñan elaborado publicarémolo no blogue.

O mar é de todos e o que tiramos a él remata nas nosas bocas.

 

luffa

Esponxa lavalouzas made in Galicia

Traduce el texto/ Translate

Hoxe falamos de Iberluffa (Ibérica de Esponjas Vegetales S.L), unha empresa agro-forestal galega que aposta pola sustentabilidade.

Dende Pontevedra para o mundo

A maioría de esponxas de baño e de limpeza están feitas con materiais sintéticos que se desgastan converténdose en microplásticos que logo van parar ó mar. En Caldas de Reis, o empresario Juan Carlos Mascato apostou por ofrecer unha opción para substituír tanto plástico, a luffa.

A luffa é un vexetal moi similar ao cabaciño. As plantacións de luffa de Caldas de Reis son 100% sostibles baseadas nos principios naturais do ecosistema.

Durante o proceso de obtención do produto a polpa interna da luffa deshidratase e transformase en fibra. Esa fibra tratase con auga a 43º procedente das termas quentes naturais de Caldas de Reis.

Deste xeito obtéñense distintos tipos de fibras destinados a diferentes usos. A mais branda ou superbranda para uso cutáneo ou mais dura para a limpeza do fogar.

Unha vez os produtos se gastan son pura economía circular xa que xurde do seu cultivo na terra e pódese devolver a natureza como compostaxe.

Luffa

Foto: Bart Everson en Flickr.com