5 Alimentos da dieta atlántica que preparan o noso cutis para o sol
A dieta atlántica, un estilo de vida
A dieta atlántica recibe este nome debido o estilo de alimentación que comparten as zonas bañadas polo océano Atlántico cara o norte europeo. En España, as comunidades con estas características comprenden Galicia, Principiado de Asturias, Cantabria e País Vasco.
As principais características da dieta atlántica recóllense resumidas no Decálogo da Dieta Atlántica, e son as seguintes:
- Consumo de 3 a 4 veces por semana de pescados e mariscos, que constitúen a gran reserva natural do Atlántico. Esta recomendación é importante na alimentación nas distintas etapas da vida.
- Elevado consumo de alimentos de orixe vexetal: cereais, patacas e legumes. Recoméndanse fariñas integrais ou de gran enteiro.
- Consumo de froitas e verduras. Variar a inxesta de froitas e en canto as hortalizas manter o consumo do xénero brassica, acorde ao hábitos de produción e consumo local (repolo, verzas, grelos e nabizas). Tamén é recomendable que estean presentes as xudías, pementos, cebolas, cenorias, chícharos e allos.
- Uso do aceite de oliva (virxe extra) como principal graxa culinaria.
- Inxesta de lácteos, tanto en forma de leite, como en derivados lácteos.
- Consumo moderado de carne. O consumo excesivo pode ser prexudicial. É preferible escoller carnes magras e formando pratos a base de verduras, legumes ou patacas. Desta forma redúcese a ración de carne.
- Inxesta abundante de líquidos, especialmente auga como de bebida de elección.
- Sinxeleza na preparación dos pratos para manter a calidade das materias primas e o seu valor nutritivo.
- Manter hábitos alimentarios saudables tradicionais atlánticos.
- Realizar exercicios físico a diario adecuado a cada persoa é tan importante como comer de forma apropiada.
Para coidar da piel: dieta atlántica
Agora que se acerca o verán, é importante protexernos da radiación solar. É importante non tomar o sol en horario de máxima exposición, usar protector solar, incluso cando non nos expoñamos de forma directa ou cando estea nubrado, sempre con un protector mínimo de 30, e repetir a aplicación cada 2 horas.
Ademais de todas estas recomendacións, unha alimentación adecuada pode axudarnos a protexernos do sol. Nesta alimentación, podemos destacar 5 alimentos que se inclúen na dieta atlántica:
1. Cenoria
Alimentos con unha gran concentración de pigmentos naturais (betacaroteno), son máis propensos a producir un cambio pronunciado no ton da pel. Pero o consumo para notar os efectos na pel debe ser continuado e non servirá de nada tomar unha cenoria de forma illada, nin levar unha cenoria para á praia 
.
2. Brócoli
Contén fibra, é baixo en calorías, saciable e pódese consumir de moitas formas diferentes, en frío, en ensaladas, combinado con numerosos alimentos… Tamén é un alimento rico en betacarotenos, precursores de vitamina A, que estimulan a produción de melanina, de maneira que protexen a pel ao mesmo tempo que potencian o bronceado.
3. Noces
Son ricas en vitamina E, que é un poderoso antioxidante que pode axudar a retrasar o proceso de envellecemento das células, polo tanto, nada mellor que un puñado de noces para protexer a pel.
4. Ovo
Contén unha boa dose de coláxeno, proteína máis abundante no corpo, pero que diminúe a medida que envellecemos. Polo tanto, é recomendable asegurar unha correcta inxesta de proteína. Outros alimentos con coláxeno son a carne vermella, o polo, o peixe, a froita, verduras, allo e cebola.
5. Pemento vermello
É un dos alimentos máis ricos en vitamina C, que ademais, en verán, atópase en plena temporada. A vitamina C é un potente antioxidante que activa as defensas. Outros alimentos son os kiwis, as fresas, o perexil e froitos vermellos.
O consumo de peixe é perfecto para a pel xa que aporta vitaminas liposolubles que axudan a manter unha textura suave i elástica. Tamén existe unha evidencia prometedora na redución de enrrugas e sinais de envellecemento pero de isto e outros beneficios do consumo de peixe en detalle falaremos mais adiante.
Gustouche este artigo de Andrea? Comenta, opina e comparte!
Andrea Paramos Nutricionista
Andrea Paramos Torreira (A Baña, 1999) estudei Nutrición Humana e Dietética na Universidade de Santiago de Compostela, no campus Terra de Lugo. Dietista – Nutricionista con gañas de poder axudar a xente en cambiar os seus hábitos alimentarios, e así contribuír a unha mellora da súa calidade de vida.
Atópame no facebook : Andrea Paramos Nutricionista
