Receita sen glute de Lidia Filgueira de “Disfruta Sin Gluten” para Benboa.
INGREDIENTES
400 gr. de mirabeles en caldo de azucre
1 plátano maduro
3 ovos
50 gr. de manteiga a temperatura ambiente
100 gr. de chocolate branco
100 gr. de fariña de repostería sen glute
200 ml. de bebida de améndoas
1 chisco de sal · Aroma de vainilla
Améndoa partida
ELABORACIÓN
– Eliminar o caldo de azucre dos mirabeles. Retirar o óso e partir en cuartos e metades.
– Poñer os mirabeles no molde.
– Triturar o plátano, os ovos, o aroma de vainilla e o chisco de sal. Engadir a fariña tamizada.
– Derreter o chocolate branco e a manteiga no microondas (ou ao baño maría). Engadir á mestura e incorporar o leite.
– Verter toda a mestura sobre os mirabeles e enfornar a 160 graos, con calor do forno arriba e abaixo, durante unha hora.
O mirabel é unha cirueliña pequena, amarela, doce e aromática característica dalgunhas zonas de Galicia. É pequena como a cereixa, pero ten un sabor parecido ao do albaricoque. Recóllese no mes de xullo, pero podemos atopalo en conserva todo o ano. Contén antioxidantes, vitaminas A e C e minerais como calcio, fósforo, magnesio e potasio. Un auténtico tesouro.
¿Dúbidas, resultados, agradecementos? Anímate a deixar un comentario nesta receita de Lidia!
Chámome Lidia e non, non teño formación en cociña. Estudei Dereito, mais deléitome creandoreceitas naturais e saudables que intento sexan sinxelas e rápidas.
Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.
Agardo que vos animedes a cociñar e que o resultado vos pareza delicioso.
Receita sen glute de Lidia Filgueira de “Disfruta Sin Gluten” para Benboa.
INGREDIENTES
2 peitugas de polo
1 iogur natural
1 lámina de masa de follado (“hojaldre”) sen glute.
2 ovos
Espárragos trigueiros
Queixo raiado
Fariña de garvanzo
Copos de millo sen glute triturados
Especias: Ourego e “Pimentón de La Vera”
AOVE, sal e pementa negra
ELABORACIÓN
Polo ao xeito KFC
– Prequentar o forno a 200ºC.
– Mesturar nun bol: un iogur natural, aceite de oliva, Pimentón de La Vera, aceite, pementa negra e ourego. Engadir o polo cortado e macerar durante unha hora.
– Pasar o polo pola fariña de garavanzo, ovo batido e os “corn flakes” triturados.
– Poñer o polo sobre un papel de forno na bandexa e asar a 200ºC durante 40 minutos.
Espárragos con masa de follado e queixo
– Prequentar o forno a 180ºC.
– Lavar os espárragos e rexeitar a parte final.
– Cortar a base da masa de follado (“hojaldre”) en tiriñas (o cortador de pizza é perfecto para isto).
– Envolver os espárragos, engadir queixo raiado (eu lles botei Emmental) e pintar co ovo batido.
– Introducir no forno a 180ºC durante 15 minutos.
¿Dúbidas, resultados, agradecementos? Anímate a deixar un comentario nesta receita de Lidia!
Chámome Lidia e non, non teño formación en cociña. Estudei Dereito, mais deléitome creandoreceitas naturais e saudables que intento sexan sinxelas e rápidas.
Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.
Agardo que vos animedes a cociñar e que o resultado vos pareza delicioso.
Esta nova vía de peregrinación ten por nome “A Orixe” pois segundo contan as referencias históricas atopadas o defunto do apóstolo Santiago veu dende Terra Santa a Galicia arribando a nosa costa.
Á tradición oral sumase aos documentos pois xa conta a lenda da vila mariñeira de Corrubedo que no lugar das pedras do Río do mar, está marcada a pezoña do cabalo do apóstolo cando galopaba as nosas terras.
“As pegadas do camiño” exposición comisariada por Antonio Gónzalez Millán, director do museo Valle-Inclán, leva un ano exhibíndose en diferentes salas e museos da nosa bisbarra amosando os mais de 200 antecedentes que corroboran a existencia deste camiño esquecido. Ademais desta exposición itinerante, Gónzalez Millán xunto ao fotógrafo Adolfo Enríquez Calo son autores do libro que recolle os datos da investigación desta exposición: “As pegadas do Camiño de Santiago no Barbanza e Sar. A Orixe”.
Conforme nos trasladan dende a asociación a motivación principal deste camiño é que o peregrino, no seu imaxinario, faga esa viaxe espiritual que acompañou o corpo do apostolo a Compostela. Este é o único camiño que se fai cara o este e que busca o mar en todo o traxecto. Nos sinalan que non só se trata do camiño se non de recuperar a hospitalidade característica que o caracteriza e que tan fermosos recordos deixa en todo aquel que se anima a vivir esta experiencia. Non se trata só de un camiño de ida, se non tamén de volta a orixe.
As etapas
Respetando a tradición, e defendendo o patrimonio xacobeo, a asociación esta a instalar a sinalización do trazado con todo rigor posible. As cinco etapas que conforman esta vía pasan polos municipios de Ribeira, A Pobra, Boiro, Rianxo, Dodro e Padrón onde se une ao Camiño Portugués. A asociación ten pensado facer unha presentación oficial das etapas nas próximas datas e trataremos de informar do lugar e do día a través do noso blogue. Aínda que a agrupación non ten rematada a súa páxina web, nin conta con redes sociais, tamén ten pensado poñerse a traballar neste aspecto e manter toda a información, eventos e actividades recollidos no seu sitio web.
Documentacións do peregrino a Compostela
A credencial do peregrino
A credencial do peregrino é precisa para conseguir A Compostella (para todos aqueles que fan o camiño por pietatis causa) ou o certificado de benvida (para quen fai o camiño por outros motivos). Poderás conseguila nos puntos de acollida de peregrinos, a través das asociacións de amigos do camiño, nas oficiñas de turismo da mancomunidade ou na parroquia de Corrubedo.
Tamén podes descargar a app da credencial para o teu teléfono e, aínda que non substitúe a física, podes meter moitos mais selos que constatan tódolos lugares onde paras.
Tanto en Benboa Corrubedo como en Compostela selamos física e dixitalmente as vosas credenciais.
A Compostella, acreditación oficial da peregrinaxe a tumba de Santiago
Para evitar falsificacións determinouse facer un documento que acreditase oficialmente a peregrinaxe a Compostela no sentido relixioso. Este documento é a Compostella, un fermoso recordo para a experiencia vivida que se recolle na Oficiña de Atención o Peregrino da Catedral de Santiago.
A aparición dos vehículos a motor supuxo unha crise no sentido espiritual do camiño e motivouse facendo uso desta acreditación oficial que ratifica que os últimos 100 km foron feitos a pe ou a cabalo, ou así como os últimos 200 km en bicicleta. Para conseguila, hai que traer selada a credencial do peregrino polo menos dous veces ao día nas igrexas, albergues ou restaurantes que atopas no camiño a modo de certificar o teu paso.
Certificado de benvida
É un certificado que se lle entrega na Oficiña de Atención o Peregrino da Catedral de Santiago aos peregrinos que fan o camiño por motivos diferentes aos relixiosos ou espirituais. Tamén é preciso acreditar os 100 últimos km a pe ou a cabalo ou os 200 últimos km en bicicleta mediante a credencial do peregrino selada que así o ratifique.
Esto é todo o que debes saber, prepara un bo calzado, mete agua na mochila e a camiñar! Agardamos que te animes a vivir esta experiencia tan enriquecedora.
Ultreia et suseia! Bo camiño!
Usamos cookies propias e de terceiros para mellorar a experiencia dos usuarios. Vostede pode rexeitar ou aceptar as cookies sempre que o desexe. Atopará mais información no noso sitio web.De acordo!RexeitarPolítica de privacidade
