Restaurante Cetarea Gastromercado Cocina Atlántica

Biscoito dobre chocolate ao microondas con marmelada de grosella vermella

427 Views

Receita sen glute de Lidia Filgueira de “Disfruta Sin Gluten” para Benboa.

X Sen forno X Sen azucre X Sen lácteos X Sen glute

INGREDIENTES 
  • 2 plátanos
  • 2 ovos 
  • 30 gr. de fariña (de trigo sarraceno) 
  • 30 gr. de cacao en po 
  • Pingas de chocolate 
  • 5 gr. de fermento 
  • 100 gr. de grosellas vermellas 
  • 70 gr. de pasta de dátil 
  • Zume de limón
ELABORACIÓN
  1. – Cortar, pelar e esmagar os plátanos cun garfo.
  2. – Bater os ovos e engadilos á masa de plátano.
  3. – Incorporar o cacao, a fariña, o fermento e revolver.
  4. – Engadir e mesturar as pingas de chocolate.
  5. – Repartir a mestura nun molde, decorar con pingas de chocolate e introducir o molde no microondas a máxima potencia durante 5 minutos.
  6. – Para a marmelada de grosella, introducir as grosellas nun cazo, engadir a pasta de dátil e unhas pingas de limón. Cubrir cun pouco de auga e cocer durante 10 minutos, ata que se evapore a auga..
* As medidas do molde son de 23×15 cm. No meu perfil de Instagram podedes ver a receita de pasta de dátil. Ademais de fibra, os dátiles conteñen potasio, calcio, ferro e magnesio, pero se preferides utilizar azucre podedes substituílos por unha cantidade un pouco maior (100 gramos de azucre).

    ¿Dúbidas, resultados, agradecementos? Anímate a deixar un comentario nesta receita de Lidia!

     

    A nosa colaboradora é Lidia Filgueira de…

    "Disfruta sin gluten"

    Ségueme nas redes!

    Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas. 

    Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

    Agardo que vos animedes a cociñar e que o resultado vos pareza delicioso. 

    BATALLA DE OLIVEIROS CON FIERABRAS NO CAMPO DAS DUNAS. IV Parte

    332 Views
    Traduce el texto/Translate page
    Textos de Domingo Regueira inspirado por unha anciá de Sirves que lle falou dunha batalla alí ocorrida e que ela descubriu nun libro que lle trouxo seu pai da Arxentina. Referencias da batalla atopadas no Códice Calixtinus.
    Lugar: Campo das Dunas
    Olveira – Bretal – Sirves- RIBEIRA, 777 (ano máis, ano menos)

     

    PARTE IV

    [lease en prosa]

    Gloria Fuentes recomendaba, como boa escritora, <<no te apartes del guión, pues así lo empeoras, y si vas derecho al grano, si es bueno lo mejoras>>.

    Comprenderán que a demora non ven pola prosa murgueira, como diría o bardo Teira, si non polo infiel moulón, parlanchín, execrador e ladrón.

    Guarín tu eres porfiado,
    y pues no tienes remedio,
    apercibete a las armas,
    siempre me hallarás dispuesto,

    Contaba a siña Ramona, que o lagoeiro se lle quedara cun libro que seu pai trouxera de Arxentina, onde na portada aparecía Oliveiros dacabalo no campo de Olveira pisando “mouriños” a esgalla, e ó fondo, as marfileñas ondas de area.

    Quizais esta burda recuperación do romance, a faga en honra a resignación e consolo de todos aqueles que prestaron un libro, e nunca lles volveu a casa.

    Esta anciá señora, tamén se recordaba, que cando era nena e polo Carregal andaba, unhas grandes vigas veu, polas que ela pasaba, todas pintaban de azul i ela imaxinaba, que alí houbera un casal, quizais da era romana.

    Se pusieron los escudos,
    y se apretaron los yelmos,
    tomo Fierabrás la lanza,
    y está con ella blandiendo,
    se retira uno de otro,
    y a la seña que se hicieron,
    se arrancaron los caballos,
    y fue tan recio el encuentro,
    y los dos tremendos golpes,-
    que uno al otro se dieron,
    que se quebraron las lanzas
    de ambos dos caballeros…
    Sobre el arzón de la silla,
    ambos quedaron de pechos,
    meten mano a las espadas
    y como lobos sangrientos,
    se envisten unos a otros,
    dándose golpes muy recios;
    mas de dos horas y media
    duró el combate primero.

    Cansados de pelear,
    mal heridos, y sangrientos,
    Fierabrás le pidió treguas,
    estas palabras diciendo:
    paremos a descansar,
    porque ningun Caballero
    tanto me duró delante,
    ni ha fatigado mi esfuerzo
    ninguno en aqueste mundo
    sino es tu, mas yo no entiendo
    que seas el que me dices,
    sino es uno del infierno;
    aquí por cierta verdad
    debaxo de juramento,

    por aquel Dios que veneras,
    y aquella que está en el Cielo,
    que me digais la verdad;
    y le respondió Oliveros:
    Pagano quien te enseñó
    con seguridad y acierto
    a conjurar los Cristianos,
    que no se nieguen a ello?
    Sabrás por cierta verdad,
    que soy el Conde Oliveros:
    Fierabrás le dice, amigo
    me alegro de conoceros,
    y perdona los desaires,
    que te hice de primero.
    Dexemos en este estado
    este Romance primero,
    que en la otra segunda parte
    diré de los Caballeros.

    Era lamar de tarde, e dende a gradaría, so se berraba por señas por que voz xa non había.

    Si con la primera parte,
    dixe, que los Caballeros
    se quedaron en el campo,
    mal heridos y sangrientos,
    y puestos a descansar,
    Fierabrás dixo a Oliveros:
    Has de saber, noble Conde
    que he estimado el conoceros,
    y ahora si tu quisieras,
    que hicieramos un propuesto
    de que olvidaras tu Ley,
    te vinieras a mi Reyno,
    y te casaras con mi hermana,
    la mejor dama del pueblo;

    Floripes bella Princesa,
    que mi Padre de sus Reynos,
    te alargará algunas tierras,
    también yo hiciera lo mesmo,
    y que luego los dos juntos
    vinieramos a este Imperio
    a dar guerra a Carlo Magno,
    haciendo siempre el concepto
    que todo cuanto se gane
    será para vos, y luego
    te coronaran por Rey,
    de todito aqueste Reyno.

    .

    Polo que estamos ollando, nesta feroz loita armada, parece que colle tinxes de unha paz negociada. Semellan aos chungos amaños, neste reino acostumados, onde se acordan contratas, invasións, aliñacións de Costas e urbanizacións.

    O seguinte martes continuaremos coa batalla, suscríbete a listaxe “Todas as novas” do noso blogue para recibila no teu correo!

    Ver a sección de Sifu

    Quero recibir información da listaxe de:

    ¡Non enviamos spam! Lee a nosa Política de Privacidade.

    "Arqueoloxia Barbanza"

    Arqueoloxía Barbanza

    Domingo Regueira defínese a si mesmo como un chapuzas artístico ou trapalleiro literario. Publica regularmente no seu perfil persoal de facebook e podes seguilo na súa páxina “Arqueoloxía Barbanza” onde atoparás mais do seu interesante traballo de investigación arqueolóxica da nosa contorna. Ademais, os seus contos actuais, cargados de sarcasmo, son publicados en La Voz de Galicia (sección Barbanza). Tamén é colaborador no blogue da Asociación Barbantia “Café Barbantia” e a miúdo debuxa. Unha das exposicións mais recentes foi no Museo Valle-Inclán da Pobra do Caramiñal onde presentou unha serie de negras ilustracións sobre a obra do autor do esperpento.

    Experiencias acuáticas coas que divertirse na Coruña durante todo o ano

    606 Views

    Autor/a: Alba Campillo Gómez

    Traduce esta página/Translate this web

     

    Galicia destaca como destino de turismo náutico e mariñeiro a nivel nacional e, en concreto, A Coruña, cidade aberta ao océano atlántico e bañada tamén polas augas da ría, é un dos principais destinos deste tipo de turismo na comunidade.

     

    A CIDADE DO MAR

    A historia pesqueira da Coruña ven xa de moitos séculos atrás, como amosa a orixe do barrio da peixaría, un dos barrios máis céntricos e transitados da urbe na actualidade, que naceu como fogar dos mariñeiros e pescadores que vivían aquí separados por unha muralla do resto da vila.

    Hoxe en día, a vinculación da cidade co mar segue presente tanto no ámbito comercial, como no deportivo e de ocio. É por iso que nesta publicación presentamos algunhas experiencias acuáticas que podes realizar na túa viaxe á Coruña.

    Dársena da Coruña

    ACTIVIDADES PARA O BO TEMPO

    Dende a dársena da Marina, preto de Porta Real, cada verán sae unha lancha turística que percorre a ría da Coruña en torno a seis veces ao día. A través desta experiencia que Cruceros Marítimos Fernández Cabana leva ofrecendo décadas, pódese apreciar a beleza da cidade vista dende o mar, así como a costa de Oleiros, municipio próximo.

    Non pode faltar, por outro lado, a ampla oferta de deportes náuticos que realizar tanto no mar como na ría coruñesa. Existen diferentes cursos de vela lixeira ou de vela de cruceiro, ofrecidos polo Real Club Náutico da Coruña, ou se prefires unha única sesión de tres horas de bautismo de mar na modalidade de vela lixeira, é posible facelo con Marina Coruña.

    Ademais, por parte do concello, púxose en marcha este mesmo ano 2021 o proxecto “Coruña no mar”, para darlle valor á cultura marítima da Coruña dende o punto de vista do ocio náutico. Así, ofrecéronse centos de prazas gratuítas para multitude de deportes acuáticos, e tralo éxito alcanzado, esta iniciativa tense xa en mente para continuar no futuro.

     

    Foto Instagram @rcncoruna

    ACTIVIDADES TODO O ANO

    Surf

    Non te preocupes se visitas Coruña fóra da época estival e tamén queres vivir  algunha destas experiencias. Preto da cidade, en Santa Cristina, Bitácora Paddle Surf ofréceche esta actividade acuática durante todo o ano. Así mesmo, escolas como After Surf ou Prado Surf ofertan clases de surf en Bastiagueiro, a tan só 10 minutos da cidade; aínda que se prefires quedarte na Coruña, Base Surf Camp dáche a oportunidade de surfear na praia do Orzán, en pleno centro urbano.

    Buceo

    Tamén podes realizar bautismos de mergullo con Buceo Galicia, Deep Team ou Nauga, ou percorridos en moto de auga pola costa da Coruña e polas rías próximas con Motos de Agua Coruña, sen necesidade de ter experiencia previa nin titulación.

     

    Foto facebook @motosdeaguacorunaaym

    En familia ou con amigos

    Un tipo de experiencias náuticas un pouco diferentes son as que ofrece Altavela, con excursións e rutas marítimas polas rías do Golfo Ártabro, para desfrutar en familia ou con amigos; se contactas con eles, poderás personalizar esta experiencia ao teu gusto.

    Pero non só é posible percorrer este entorno por mar, senón que tamén pode facerse por terra! Unha das rutas de turismo mariñeiro e náutico que presenta Noroeste A Fondo, empresa de rutas turísticas en vehículos de nove prazas, transpórtate á esencia de Galicia a través dun itinerario por algunhas destas rías, praias, faros, portos…

    Para continuar, incluímos outra forma de mergullarte no mundo mariño, visitando un dos Museos Científicos Coruñeses: o Aquarium Finisterrae. Mediante as catro salas de exposicións das que consta, na “Casa de los Peces”, como é coñecida entre a veciñanza, divúlgase coñecemento sobre o mar, as súas especies e o coidado de ambos. Esta é unha parada perfecta para todas as idades, pero especialmente se vas acompañado de nenos pequenos.

    Foto: Altavela
    Foto: Aquarium Finisterrae

    Visita a lonxa

    Na Coruña tamén se atopa un dos portos de pescado e marisco máis importantes de España e de Europa e, afortunadamente, é posible visitar a súa lonxa e vivir o fervor das poxas en vivo e en directo. Estas visitas están dispoñibles para grupos, reservando previamente a través do teléfono ou correo electrónico da lonxa. Aínda que aquí non esteas en contacto directo co mar, podes experimentar o funcionamento do mercado dos mellores produtos que se obteñen del, o cal é unha experiencia de turismo mariñeiro por excelencia.

    Foto: Lonxa de A Coruña

    Postdata bonus:

    Para picar algo de mar: Benboa Coruña

    No local Benboa, situado na mitica rúa Galera de A Coruña, poderás gozar do mellor do noso mar en bocadiños salgados elaborados co produto fresco da nosa ría. Benboa Coruña ofrece integramente unha carta orixinal con propostas tradicionais reformuladas para quen busque rematar este tour con unha experiencia gastronómica totalmente mariñeira.

    Benboa Coruña Rúa Galera, 15 15003 A Coruña www.benboa.com/coruna

     

     

    Aportacións, suxerencias, agradecementos…? Anímate a deixar un comentario neste artigo de Alba!

     

    ALBA CAMPILLO Gomez

    Linkedin

    O meu nome é Alba e recentemente gradueime en Turismo e Ciencias Empresariais pola Universidade da Coruña.

    Actualmente son guía turística nun museo, onde comecei compaxinando o final dos meus estudos e a realización dos meus traballos de fin de grao co labor de guía.

    Son de A Coruña, pero a miña familia materna é do Barbanza, polo que sempre sentín un grande apego á cultura mariñeira, motivo polo cal nun dos mencionados traballos centreime en estudar o turismo mariñeiro desta zona, como unha maneira de dar visibilidade e poñer en valor este tipo de turismo tan arraigado á cultura marítima galega.

    Suscríbete a listaxe “Todas as novas” do noso blogue para recibir as novidades en turismo mariñeiro no teu correo!

    Quero recibir información da listaxe de:

    ¡Non enviamos spam! Lee a nosa Política de Privacidade.