Ensalada de quinoa, pementos asados e xurel ao forno

Receita sen glute de Lidia Filgueira de «Disfruta Sin Gluten» para Benboa.

INGREDIENTES
  • Quinoa
  • Pementos vermellos, verdes e amarelos
  • 1 xurelo aberto
  • 1 dente de allo
  • 1 cenoria
  • Sementes de sésamo
  • AOVE, sal, pementa negra
ELABORACIÓN
    1. – Prequentar o forno a 200º C.
    2. – Lavar a quinoa. Cocer en auga con sal. Retirar a auga e reservar.
    3. – Asar o xurelo ao forno durante 20-30 minutos. Cando arrefríe, retirarlle as espiñas e a pel.
    4. – Asar os pementos durante unha hora, ao mesmo tempo que o peixe, pero noutra fonte. Darlles a volta cando leven 30 minutos no forno. Ao sacalos do forno, cubrilos. Pelalos cando arrefríen e aderezalos con AOVE, sal e pementa.
    5. – Pelar, laminar e sofritir un dente de allo (mellor ao wok). Pelar e cortar a cenoria co pelador.
    6. – Engadir a cenoria ao sofritido. Incorporar a quinoa e as sementes de sésamo e saltear durante un par de minutos.
    7. – Empratar a quinoa cos pementos e o peixe cun pouco de AOVE e sal en escamas.
    Este prato está delicioso tanto frío como quente. A quinoa é un pseudocereal que posúe unha gran cantidade de proteínas. De fácil dixestión, é rica en ferro e vitaminas do grupo B e E. Tamén posúe saponinas, polo que é moi importante enxuagala baixo auga fría antes de cociñala.

      ¿Dúbidas, resultados, agradecementos? Anímate a deixar un comentario nesta receita de Lidia!

       

      A nosa colaboradora é Lidia Filgueira de…

      "Disfruta sin gluten"

      Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas

      Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

      Agardo que vos animedes a cociñar e que o resultado vos pareza delicioso. 

      BATALLA DE OLIVEIROS CON FIERABRAS (O BRAZO FEROZ) NO CAMPO DAS DUNAS. I Parte

      Textos de Domingo Regueira inspirado por unha anciá de Sirves que lle falou dunha batalla alí ocorrida e que ela descubriu nun libro que lle trouxo seu pai da Arxentina. Referencias da batalla atopadas no Códice Calixtinus.

       

      Lugar: Campo das Dunas
      Olveira – Bretal – Sirves- RIBEIRA, 777 (ano máis, ano menos)

       

      [lease en prosa]

      Dende a lomba que separa Olveira de Corrubedo, dirixía Carlomagno a loita co sarraceno, cun exercito miúdo, responsos e padrenuestros, caían mouros a ducias, a centos e a milleiros. Cos Doce Pares de Francia, como lobos carniceiros, voaban testas e turbantes a cada golpe certeiro.

      Sobre esta mítica lomba tamén poden contemplar, a teofánica marca, que Carolus mandou gravar, co motivo da batalla en este campo dunar, para derrotar ó inimigo que facía tanto mal; roubando e matando, secuestrando e torturando, nunca se veu nada igual.

      Comeza o romance de Juan José López case fiel. Case…

      Suenen Cajas y Clarines,
      y sonoros instrumentos
      en acordes consonancias
      por los espacios del tiempo,
      para dar claras noticias
      del caso más estupendo,
      la más reñida batalla,
      y los más recios encuentros,
      que hubo entre espada y lanza,
      mano a mano y cuerpo a cuerpo.

      Con febre españoleira e vocación bieiteira , aínda poden escoitar, as ovacións que soltaban, árabes e cristiáns, nesta descrita batalla, onde o Conde Oliveiros a gañou por goleada, contra o infiel Fierabrás, que cun brebaxe sandaba enfermidades e dores, feridas e coiteladas, xarope que hoxe sería, a ruína boticaria.

       Se comenzó la batalla 
      con tanto valor y esfuerzo 
      que andaban los doce Pares 
      derribando Caballeros, 
      acuchillando turbantes, 
      cotas, y mallas de acero. 

      Pero viendo el Almirante 
      la perdida de su Reino, 
      mandó retirar su gente, 
      y con muy poco recelo 
      a su hijo Fierabrás 
      lo ha llamado así diciendo: 
      Bien sabes, hijo querido, 
      que estos doce Caballeros,
      que ha traído Carlo Magno, 
      son hombres de tanto arresto, 
      y me han muerto cien mil hombres,
      entre ellos mis Caballeros, 
      y por el Dios Apolín 
      que les hago juramento, 
      que he de tomar la demanda, 
      y me he de vengar de ellos. 

      Fierabrás dijo: Señor,
      eso queda de mi empeño,
      dadme licencia e iré al campo,
      a donde tiene el Real puesto, 
      y los llamaré a campaña,
      por ver si puede mi esfuerzo,
      uno a uno, o dos a dos
      darle fin a todos ellos.

      …agigantado en su cuerpo, 
      y con quince pies de largo,
      era una torre de huesos.

      O seguinte martes continuaremos coa batalla, suscríbete a listaxe «Todas as novas» do noso blogue para recibila no teu correo!

      Quero recibir información da listaxe de:

      ¡Non enviamos spam! Lee a nosa Política de Privacidade.

      "Arqueoloxia Barbanza"

      Domingo Regueira defínese a si mesmo como un chapuzas artístico ou trapalleiro literario. Publica regularmente no seu perfil persoal de facebook e podes seguilo na súa páxina «Arqueoloxía Barbanza» onde atoparás mais do seu interesante traballo de investigación arqueolóxica da nosa contorna. Ademais, os seus contos actuais, cargados de sarcasmo, son publicados en La Voz de Galicia (sección Barbanza). Tamén é colaborador no blogue da Asociación Barbantia «Café Barbantia» e a miúdo debuxa. Unha das exposicións mais recentes foi no Museo Valle-Inclán da Pobra do Caramiñal onde presentou unha serie de negras ilustracións sobre a obra do autor do esperpento.

      Torta de mirabeles con chocolate branco

      Receita sen glute de Lidia Filgueira de «Disfruta Sin Gluten» para Benboa.

      INGREDIENTES
      • 400 gr. de mirabeles en caldo de azucre
      • 1 plátano maduro
      •  3 ovos
      • 50 gr. de manteiga a temperatura ambiente
      • 100 gr. de chocolate branco
      • 100 gr. de fariña de repostería sen glute
      • 200 ml. de bebida de améndoas
      • 1 chisco de sal · Aroma de vainilla
      • Améndoa partida
      ELABORACIÓN
      1. – Eliminar o caldo de azucre dos mirabeles. Retirar o óso e partir en cuartos e metades.
      2. – Poñer os mirabeles no molde.
      3. – Triturar o plátano, os ovos, o aroma de vainilla e o chisco de sal. Engadir a fariña tamizada.
      4. – Derreter o chocolate branco e a manteiga no microondas (ou ao baño maría). Engadir á mestura e incorporar o leite.
      5. – Verter toda a mestura sobre os mirabeles e enfornar a 160 graos, con calor do forno arriba e abaixo, durante unha hora.

      O mirabel é unha cirueliña pequena, amarela, doce e aromática característica dalgunhas zonas de Galicia. É pequena como a cereixa, pero ten un sabor parecido ao do albaricoque. Recóllese no mes de xullo, pero podemos atopalo en conserva todo o ano. Contén antioxidantes, vitaminas A e C e minerais como calcio, fósforo, magnesio e potasio. Un auténtico tesouro.

       

      ¿Dúbidas, resultados, agradecementos? Anímate a deixar un comentario nesta receita de Lidia!

       

      A nosa colaboradora é Lidia Filgueira de…

      "Disfruta sin gluten"

      Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas

      Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

      Agardo que vos animedes a cociñar e que o resultado vos pareza delicioso.