Experiencias acuáticas coas que divertirse na Coruña durante todo o ano

12 de diciembre de 202222 de noviembre de 2021

6 Loves

679 Views

Autor/a: Alba Campillo Gómez

Traduce esta página/Translate this web

Galicia destaca como destino de turismo náutico e mariñeiro a nivel nacional e, en concreto, A Coruña, cidade aberta ao océano atlántico e bañada tamén polas augas da ría, é un dos principais destinos deste tipo de turismo na comunidade.

A CIDADE DO MAR

A historia pesqueira da Coruña ven xa de moitos séculos atrás, como amosa a orixe do barrio da peixaría, un dos barrios máis céntricos e transitados da urbe na actualidade, que naceu como fogar dos mariñeiros e pescadores que vivían aquí separados por unha muralla do resto da vila.

Hoxe en día, a vinculación da cidade co mar segue presente tanto no ámbito comercial, como no deportivo e de ocio. É por iso que nesta publicación presentamos algunhas experiencias acuáticas que podes realizar na túa viaxe á Coruña.

Dársena da Coruña

ACTIVIDADES PARA O BO TEMPO

Dende a dársena da Marina, preto de Porta Real, cada verán sae unha lancha turística que percorre a ría da Coruña en torno a seis veces ao día. A través desta experiencia que Cruceros Marítimos Fernández Cabana leva ofrecendo décadas, pódese apreciar a beleza da cidade vista dende o mar, así como a costa de Oleiros, municipio próximo.

Non pode faltar, por outro lado, a ampla oferta de deportes náuticos que realizar tanto no mar como na ría coruñesa. Existen diferentes cursos de vela lixeira ou de vela de cruceiro, ofrecidos polo Real Club Náutico da Coruña, ou se prefires unha única sesión de tres horas de bautismo de mar na modalidade de vela lixeira, é posible facelo con Marina Coruña.

Ademais, por parte do concello, púxose en marcha este mesmo ano 2021 o proxecto “Coruña no mar”, para darlle valor á cultura marítima da Coruña dende o punto de vista do ocio náutico. Así, ofrecéronse centos de prazas gratuítas para multitude de deportes acuáticos, e tralo éxito alcanzado, esta iniciativa tense xa en mente para continuar no futuro.

Foto Instagram @rcncoruna

ACTIVIDADES TODO O ANO

Surf

Non te preocupes se visitas Coruña fóra da época estival e tamén queres vivir algunha destas experiencias. Preto da cidade, en Santa Cristina, Bitácora Paddle Surf ofréceche esta actividade acuática durante todo o ano. Así mesmo, escolas como After Surf ou Prado Surf ofertan clases de surf en Bastiagueiro, a tan só 10 minutos da cidade; aínda que se prefires quedarte na Coruña, Base Surf Camp dáche a oportunidade de surfear na praia do Orzán, en pleno centro urbano.

Buceo

Tamén podes realizar bautismos de mergullo con Buceo Galicia, Deep Team ou Nauga, ou percorridos en moto de auga pola costa da Coruña e polas rías próximas con Motos de Agua Coruña, sen necesidade de ter experiencia previa nin titulación.

Foto facebook @motosdeaguacorunaaym

En familia ou con amigos

Un tipo de experiencias náuticas un pouco diferentes son as que ofrece Altavela, con excursións e rutas marítimas polas rías do Golfo Ártabro, para desfrutar en familia ou con amigos; se contactas con eles, poderás personalizar esta experiencia ao teu gusto.

Pero non só é posible percorrer este entorno por mar, senón que tamén pode facerse por terra! Unha das rutas de turismo mariñeiro e náutico que presenta Noroeste A Fondo, empresa de rutas turísticas en vehículos de nove prazas, transpórtate á esencia de Galicia a través dun itinerario por algunhas destas rías, praias, faros, portos…

Para continuar, incluímos outra forma de mergullarte no mundo mariño, visitando un dos Museos Científicos Coruñeses: o Aquarium Finisterrae. Mediante as catro salas de exposicións das que consta, na “Casa de los Peces”, como é coñecida entre a veciñanza, divúlgase coñecemento sobre o mar, as súas especies e o coidado de ambos. Esta é unha parada perfecta para todas as idades, pero especialmente se vas acompañado de nenos pequenos.

Foto: Altavela

Foto: Aquarium Finisterrae

Visita a lonxa

Na Coruña tamén se atopa un dos portos de pescado e marisco máis importantes de España e de Europa e, afortunadamente, é posible visitar a súa lonxa e vivir o fervor das poxas en vivo e en directo. Estas visitas están dispoñibles para grupos, reservando previamente a través do teléfono ou correo electrónico da lonxa. Aínda que aquí non esteas en contacto directo co mar, podes experimentar o funcionamento do mercado dos mellores produtos que se obteñen del, o cal é unha experiencia de turismo mariñeiro por excelencia.

Foto: Lonxa de A Coruña

Postdata bonus:

Para picar algo de mar: Benboa Coruña

No local Benboa, situado na mitica rúa Galera de A Coruña, poderás gozar do mellor do noso mar en bocadiños salgados elaborados co produto fresco da nosa ría. Benboa Coruña ofrece integramente unha carta orixinal con propostas tradicionais reformuladas para quen busque rematar este tour con unha experiencia gastronómica totalmente mariñeira.

Benboa Coruña Rúa Galera, 15 15003 A Coruña www.benboa.com/coruna

Aportacións, suxerencias, agradecementos…? Anímate a deixar un comentario neste artigo de Alba!

ALBA CAMPILLO Gomez

O meu nome é Alba e recentemente gradueime en Turismo e Ciencias Empresariais pola Universidade da Coruña.

Actualmente son guía turística nun museo, onde comecei compaxinando o final dos meus estudos e a realización dos meus traballos de fin de grao co labor de guía.

Son de A Coruña, pero a miña familia materna é do Barbanza, polo que sempre sentín un grande apego á cultura mariñeira, motivo polo cal nun dos mencionados traballos centreime en estudar o turismo mariñeiro desta zona, como unha maneira de dar visibilidade e poñer en valor este tipo de turismo tan arraigado á cultura marítima galega.

Suscríbete a listaxe “Todas as novas” do noso blogue para recibir as novidades en turismo mariñeiro no teu correo!

BATALLA DE OLIVEIROS CON FIERABRAS NO CAMPO DAS DUNAS. III Parte

12 de diciembre de 202216 de noviembre de 2021

3 Loves

605 Views

Textos de Domingo Regueira inspirado por unha anciá de Sirves que lle falou dunha batalla alí ocorrida e que ela descubriu nun libro que lle trouxo seu pai da Arxentina. Referencias da batalla atopadas no Códice Calixtinus.

Lugar: Campo das Dunas

Olveira – Bretal – Sirves- RIBEIRA, 777 (ano máis, ano menos)

PARTE III

[lease en prosa]

Mas el Grande Carlo Magno
se empezó a armar al momento
para ir a la batalla;
pero el buen Conde Oliveros,
que se hallaba mal herido
y ya estaba casi bueno,
cuando supo la cuestión,
llamó a Guarín su escudero,
diciendo que le armase,
haz lo que te mando presto,

Apoiado nun bastón, dunha rama de sobreira, parecía o crego coxo da touta de Oliveira

y así que se vido armado,
saltó de la cama al suelo,
estirando los brazos,
y manejando los miembros,
por ver si firmes estaban,
y para mas pruebas de ello
saltó dentro de la sala
un salto que le midieron
veinticinco pies de alto;
pero al caer al suelo
se la abrieron las heridas,
y la purpura vertiendo
mandó traer al caballo,
y asi que lo vió compuesto,
sin poner mano en la silla,
de un brinco montó ligero,
fue donde esta Carlo Magno,
estas palabras diciendo:

Muy poderoso Señor,
hoy llega este Caballero
pidiendote por merced,
le otorgueis su pedimento,
y Carlo Magno responde:
pide que te lo concedo,
le respondió: Gran Señor,
hoy vuestra licencia espero
para ir a la campaña:
eso no te lo concedo
por que si bueno estubieras
no tuviera ningún duelo.
Guarín que está presente,
con sus dañados intentos
le replicó: Gran Señor,
no es de nobles Caballeros,
el revocar las palabras,
sino mantenerse en ello,
y Carlo Magno responde
con el rostro algo severo:
tu tienes malas entrañas,
pero al fin saldrá Oliveros,
y mira que si fenece,
dareis satisfacción de ello;
le concedió la licencia,
y le despidió ligero,

Aí vai o pobre Oliveiros, diplomaticamente despachado, con febres que ó tolean e o corpo suturado, a espada sen afiar, e o casco esnaquizado, o escudo abolado e o galdrapo rachado, pa enfrontarse o mastodonte, ladrón de obxectos sagrados…

se salió al campo gustoso,
y dando en el un paseo,
llego donde el turco estaba,
estas palabras diciendo:
Pagano empieza a armar,
mira que yo solo vengo
a mantener en batalla
todo cuanto estas diciendo,
y que no han de ser tus obras,
conforme tienes los fieros,
que con la ayuda de Dios
dentro de muy poco tiempo
te he de llevar maniatado
a mi Señor, y mi dueño.

El levantó la cabeza
y vió un hombre tan pequeño
y tan sin pelo de barba,
que traia tanto eresto.
Ve y dile a tu Carlo Magno,
que tengo por menosprecio
de emplear en ti mis armas
que eres muy niño pequeño.
Oliveiros ofendido,
le respondió, así diciendo:
si en levantarte te tardas,
como villano te hiero,
y amenazó con la lanza,
y Fierabrás a este tiempo,
se puso en pie vigilante,
estas palabras diciendo:

Si he de pelear contigo,
dime tu nombre primero,
tu calidad y nobleza,
Que si no eres Caballero,
aunque te venza en batalla,
poco galardón espero.
Le replicó luego al punto;
dime tu estado primero;
yo te lo diré al instante:
Sabrás que es mi nombre mesmo
Fierabrás de Alexandria,
al que a nadie tubo miedo.
Pues yo me llamo Guarín,
y soy nuevo Caballero,
la primera vez armado,
y solo por eso vengo
a ganar honor, y fama
con la victoria que espero.

¡A ganar honor y fama?

Fierabrás le dice amigo
Engañado estás en eso,
porque si yo no tuviera
piedad de ti, ha mucho tiempo,
que te hubiera dado muerte
como a inocente Cordero.
Ve, y dile a tu Carlo Magno
que me envie aquí a Oliveros,
y al valeroso Roldan,
que deseo el conocerlos:
Oliveros dice, amigo
juzgo que me teneis miedo,
según la prosa que gastas,
y dexas pasar el tiempo,
yo de ninguna manera
no me voy de aqueste puesto,
si no te vuelves Cristiano,
ó te llevo prisionero.

O seguinte martes continuaremos coa batalla, suscríbete a listaxe “Todas as novas” do noso blogue para recibila no teu correo!

Ver a sección de Sifu

"Arqueoloxia Barbanza"

12006121_680672072069961_699568573012883857_n

Arqueoloxía Barbanza

Domingo Regueira defínese a si mesmo como un chapuzas artístico ou trapalleiro literario. Publica regularmente no seu perfil persoal de facebook e podes seguilo na súa páxina “Arqueoloxía Barbanza” onde atoparás mais do seu interesante traballo de investigación arqueolóxica da nosa contorna. Ademais, os seus contos actuais, cargados de sarcasmo, son publicados en La Voz de Galicia (sección Barbanza). Tamén é colaborador no blogue da Asociación Barbantia “Café Barbantia” e a miúdo debuxa. Unha das exposicións mais recentes foi no Museo Valle-Inclán da Pobra do Caramiñal onde presentou unha serie de negras ilustracións sobre a obra do autor do esperpento.

Cinco vilas mariñeiras con encanto que visitar no Barbanza

12 de diciembre de 202215 de noviembre de 2021

4 Loves

833 Views

Autor/a: Alba Campillo Gómez

O Barbanza é unha comarca galega situada no suroeste da provincia da Coruña, na parte coruñesa das Rías Baixas, polo que tamén é coñecida como Arousa Norte. Nos catro concellos que compoñen esta bisbarra (A Pobra do Caramiñal, Boiro, Rianxo e Ribeira) podemos atopar todo tipo de recursos e produtos turísticos, entre os cales destacan aqueles relacionados coa cultura mariñeira de Galicia: o chamado turismo mariñeiro. Neste artigo centrarémonos en destacar cinco lugares que non te podes perder se visitas O Barbanza.

1. CORRUBEDO

Como non podía ser doutra forma, a tradición pesqueira da zona plásmase na existencia
de diversas vilas mariñeiras con moito encanto. A primeira que destacaremos é Corrubedo, onde se atopa o primeiro dos locais de Benboa. Esta vila de gran tradición pesqueira está situada no concello de Ribeira, preto do parque natural do complexo dunar de Corrubedo e lagoas de Carregal e Vixán, un dos tesouros naturais máis prezados da provincia. Ao outro lado de Corrubedo atopamos o seu faro, que dende o século XIX protexe a entrada á ría de Arousa dende a súa unión co impetuoso océano Atlántico, sendo o punto máis ao oeste da península do Barbanza.

O faro de Corrubedo é unha imaxe das mais representativas da vila mariñeira.

2. PALMEIRA

Seguindo a liña da costa cara ao interior da ría, atopámonos con Palmeira, outro enclave cuxa identidade vira en torno ao mar e no que a industria conserveira deixou unha gran pegada. Polas rúas da vila pódese dar un agradable paseo apreciando as súas típicas casas mariñeiras, e no seu porto eríxese a estatua ao emigrante, mirando cara América, honrando a todos eses galegos que un día tiveron que tomar outro camiño para seguir coas súas vidas.

Antiga imaxe do porto de Palmeira antes da construcción do Eitón. Foto: Arqueoloxía Barbanza

Antiga foto do Porto de Palmeira. Foto de: Arqueoloxía Barbanza en facebook

3. POBRA DO CARAMIÑAL

Pasando ao seguinte destino, sobre A Pobra do Caramiñal podemos dicir que constitúe un dos principais recursos turísticos da comarca. Xurdiu como froito da unión entre as localidades de A Pobra do Deán e a Vila do Caramiñal, e aquí o sector conserveiro e da salgadura tivo tamén o seu impacto. Como vestixio dos comezos desta industria na zona, podemos pasear polo chamado Barrio dos Cataláns, preto tamén do Paseo do Areal, situado en pleno casco urbano da vila. Estando de paso por A Pobra tampouco podemos perdernos as espectaculares vistas sobre a ría que nos ofrece o miradoiro da Curota ou a experiencia acuática que é posible desfrutar nas piscinas naturais do río Pedras.

Antiga imaxe do Barrio dos Cataláns en A Pobra do Caramiñal. Foto: Arqueoloxía Barbanza

4. CABO DE CRUZ

Cabo de Cruz, no concello de Boiro, é outro lugar de visita obrigada se queres mergullarte na tradición mariñeira do Barbanza. Esta pequena vila presenta vinculación co mar xa dende a prehistoria, conserva ademais un dos peiraos máis antigos de toda a ría e vive na actualidade principalmente da acuicultura. Ademais desta importante identidade mariñeira, que se pode palpar ao percorrer as súas rúas, tamén destaca a relevancia do turismo náutico ligado ao seu porto deportivo e club náutico.

5. RIANXO

Finalmente, destacamos tamén a localidade de Rianxo, onde o marisqueo e a pesca conforman un dos pilares da súa economía. Aquí, a cultura mariñeira da comarca do Barbanza e da ría de Arousa recóllese no Museo do Mar de Rianxo e na Aula Activa do Mar, ambas pertencentes ao proxecto “Rianxo, o mar feito tradición” do concello, co fin de resaltar a identidade e patrimonio cultural marítimo. E para pechar este camiño pola ribeira norte da ría de Arousa, rematamos con outra vista panorámica da comarca imprescindible se visitas O Barbanza: o recentemente inaugurado miradoiro Pico da Muralla.

Foto do Miradoiro Pico da Muralla, Rianxo. Foto: barbanzarousa.gal

En definitiva, este percorrido dende a bravura do Atlántico, na boca da ría de Arousa, ata as calmadas augas da desembocadura do río Ulla permitirá mergullarse na esencia mariñeira do Barbanza.

Aportacións, suxerencias, agradecementos…? Anímate a deixar un comentario neste artigo de Alba!

ALBA CAMPILLO Gomez

O meu nome é Alba e recentemente gradueime en Turismo e Ciencias Empresariais pola Universidade da Coruña.

Actualmente son guía turística nun museo, onde comecei compaxinando o final dos meus estudos e a realización dos meus traballos de fin de grao co labor de guía.

Son de A Coruña, pero a miña familia materna é do Barbanza, polo que sempre sentín un grande apego á cultura mariñeira, motivo polo cal nun dos mencionados traballos centreime en estudar o turismo mariñeiro desta zona, como unha maneira de dar visibilidade e poñer en valor este tipo de turismo tan arraigado á cultura marítima galega.

Suscríbete a listaxe “Todas as novas” do noso blogue para recibir as novidades en turismo mariñeiro no teu correo!