Showing 17 Result(s)

Tortinhas de avea sen glute con crema de figos

Traducir texto

Receita sen glute de Lidia Filgueira de «Disfruta Sin Gluten» para Benboa.

INGREDIENTES 
  • 1 plátano
  • 100 gramos de flocos de avea sen glute
  • 1 iogur grego
  • 9 figos
  • 1 cullerada de pasta de dátiles
  • 1 cullerada de queixo crema
  • 2 onzas de chocolate e froita para decorar
  • Canela
ELABORACIÓN
  1.  – Prequentar o forno a 180º C.
  2. – Triturar o plátano e mesturar cos flocos de avea, unha cullerada de pasta de dátil e un chisco de canela.
  3. – Poñer a mestura nos bordos dos moldes de madalena e enfornar a 180º C durante 15 minutos. Retirar do forno e arrefriar.
  4. – Bater o iogur con 8 figos partidos e incorporar unha cullerada de pasta de dátiles e unha cullerada de queixo crema.
  5. – Encher as tortiñas coa crema de figo e decorar con froita e chocolate.
  6. – Para facer adornos con chocolate: fundir un par de onzas no microondas e facer círculos co dorso da culler sobre un anaco de papel de forno. Deixar arrefriar na neveira e darlle forma antes de que se solidifique. 
* Os figos conteñen vitaminas antioxidantes A, E, e minerais como calcio e magnesio. Ademais, conteñen moita fibra e son prebióticos. Estimulan a microbiota e melloran o sistema dixestivo. Unha auténtica xoia da natureza.

    ¿Dúbidas, resultados, agradecementos? Anímate a deixar un comentario nesta receita de Lidia!

     

    A nosa colaboradora é Lidia Filgueira de…

    "Disfruta sin gluten"

    Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas

    Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

    Agardo que vos animedes a cociñar e que o resultado vos pareza delicioso. 

    ESPECIAL de NADAL: Pementos do «piquillo» recheos de rape e lagostinos

    Receita sen glute de Lidia Filgueira de «Disfruta Sin Gluten» para Benboa.

    INGREDIENTES 
    • 12 pementos do piquillo
    • 150 gr. de rape
    • 150 gr. de lagostinos (12 lagostinos)
    • Caldo de peixe (cabezas de lagostinos, espiñas de rape)
    • 220 ml. de leite enteiro
    • 25 gr. de fariña fina de millo
    • 25 gr. de manteiga
    • 120 ml. de viño branco
    • 3 dentes de allo
    • 1 cebola
    • 1 allo porro
    • 2 tomates
    • AOVE, sal, pementa negra, noz moscada, azafrán, perexil
    ELABORACIÓN
    1. – Pelar e picar un dente de allo e a cebola. Sofritir cun chisco de sal. Cando estean dourados, engadir o viño branco. Deixar reducir ata que se evapore o alcol. Salpimentar.
    2. – Pelar os lagostinos, limpar e reservar as cabezas. Partir os lagostinos e o rape. Incorporalos á tixola durante cinco minutos.  Salpimentar. Retirar e reservar.
    3. – Pelar e picar un dente de allo. Sofritir con AOVE, engadir as cabezas dos lagostinos, as espiñas do rape, unhas hebras de azafrán e sazonar. Cubrir con auga e engadir a parte verde do allo porro. Cocer durante 30 minutos ata facer o caldo de peixe.
    4. – Fundir a manteiga nunha tixola. Engadir a fariña e remover. Incorporar o leite tépedo aos poucos. Cando estea lista a salsa, introducir o rape e os lagostinos e engadir un pouco de caldo de peixe. Remover. Retirar e arrefriar a masa, tapada, no frigorífico.
    5. – Pelar e partir un dente de allo e a parte branca do allo porro. Sofritir ata que estean dourados e engadir o tomate pelado e partido.  Salpimentar. Incorporar dous pementos partidos e engadir un vaso de caldo de peixe. Cando se evapore a auga, triturar.
    6. – Encher os pementos coa masa fría e asar a 180º C durante 10 min. Retirar e engadir a salsa e o perexil.
    * Unha receita perfecta para deixar feita, quentar durante uns minutos ao forno e gozar do Nadal… e da compañía. Deséxovos a tod@s unhas moi Felices Festas. Brindemos por un 2022 cheo de ledicia🥂

      ¿Dúbidas, resultados, agradecementos? Anímate a deixar un comentario nesta receita de Lidia!

       

      A nosa colaboradora é Lidia Filgueira de…

      "Disfruta sin gluten"

      Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas

      Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

      Agardo que vos animedes a cociñar e que o resultado vos pareza delicioso. 

      DOCE de NADAL: Crema de turrón e nata con galletas do Nadal

      Traduce el texto/Translate

      Receita sen glute de Lidia Filgueira de «Disfruta Sin Gluten» para Benboa.

      INGREDIENTES 

      Crema de turrón (4 copas)

      • 1 tableta de turrón Jijona
      • 500 ml. de nata de repostería
      • 3 ovos
      • Azucre ao gusto
      • Améndoa crocante e grosella vermella para decorar

      Galletas do Nadal (24 galletas)

      • 60 gr. de améndoa moída
      • 40 gr. de cacahuete en po
      • 100 gr. de fariña de arroz
      • 8 dátiles
      • Xenxibre en po, canela, noz moscada
      • 5 onzas de chocolate (85% de cacao)
      • 1 cullerada pequeña de aceite de coco
      ELABORACIÓN

      Crema de turrón e nata

      1. – Separar as xemas das claras.
      2. – Mesturar o turrón partido, 200 ml. de nata e as tres xemas e triturar ata que quede unha crema.
      3. – Quentar a crema a lume lento para que espese un pouco, sen que chegue a ferver. Retirar do lume e amornar.
      4. – Bater as claras a piques de neve. Mesturar as claras coa crema de turrón con movementos suaves e envolventes. Deixar arrefriar na neveira.
      5. – Bater a nata restante con azucre ao gusto e montar as copas con nata e crema de turrón. Decorar con anaquiños de améndoa crocante e grosella vermella.

      Galletas do Nadal

      1. – Partir e remollar os  dátiles en auga quente durante 10 minutos. Triturar cun pouco de auga.
      2. – Engadir un chisco das especias á améndoa, o cacahuete en po e a fariña de arroz. Incorporar a pasta de dátiles e amasar. Gardar a masa na neveira durante 30 minutos.
      3. – Estirar a masa cun rodete sobre un papel sulfurizado e facer figuras cos moldes do Nadal para galletas.
      4. – Introducir no forno prequentado a 180º C. e asar durante 15 minutos. Retirar e deixar que arrefríen.
      5. –  Derretir as onzas de chocolate cunha  cullerada pequeña de aceite de coco e bañar as galletas.
      * O turrón brando ou de  Jijona está feito con azucre, améndoas e mel. As améndoas conteñen  hidratos de carbono, vitaminas A, B, D e minerais como calcio, ferro, fósforo e  potasio. Unha sobremesa perfecta para un capricho san e rico, porque non todo o ano é Nadal wink

        ¿Dúbidas, resultados, agradecementos? Anímate a deixar un comentario nesta receita de Lidia!

         

        A nosa colaboradora é Lidia Filgueira de…

        "Disfruta sin gluten"

        Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas

        Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

        Agardo que vos animedes a cociñar e que o resultado vos pareza delicioso.