Restaurante Cetarea Gastromercado Cocina Atlántica

Receitas saudables

Showing 17 Result(s)

Flores de améndoa con curcuma latte

357 Views

Receita sen glute de Lidia Filgueira de “Disfruta Sin Gluten” para Benboa.

INGREDIENTES 
  • 125 gramos de améndoa moída
  • 1 ovo
  • 4 culleradas de azucre moreno
  • 1 chisco de sal
  • Limón relado
  • Améndoa para decorar
  • Un vaso de leite ou bebida vexetal
  • Especias: cúrcuma, canela, pementa negra, cravo,
  • Aceite de coco
ELABORACIÓN

Galletas de améndoa

  1. – Quentar o forno a 170ºC con calor arriba e abaixo, sen ventilador.
  2. – Separar a clara e reservar a xema.
  3. – Montar a clara a piques de neve co chisco de sal e engadir aos poucos o azucre, o limón relado e a améndoa moída.
  4. – Mesturar a masa, formar as galletas, pincelar coa xema de ovo batida e decorar.
  5. – Enfornar a 170ºC durante 15 minutos.

Cúrcuma latte ou leite dourado

  1. -Quenta o leite ou a bebida vexetal.
  2. -Engade unha cullerada pequena de canela, unha cullerada pequena de cúrcuma, un chisco de pementa negra, dous cravos e unha cullerada pequena de aceite de coco.
* As galletiñas de améndoa podes facelas finas e crocantes ou grosas e saborosas. Coñeces a cúrcuma latte? É antioxidante, antiinflamatoria e inmunoestimulante. A pementa negra e o aceite de coco potencian as propiedades da cúrcuma. Podes adozala con azucre, mel ou pasta de dátiles. Está boísima.

    ¿Dúbidas, resultados, agradecementos? Anímate a deixar un comentario nesta receita de Lidia!

     

    A nosa colaboradora é Lidia Filgueira de…

    "Disfruta sin gluten"

    Ségueme nas redes!

    Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas. 

    Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

    Agardo que vos animedes a cociñar e que o resultado vos pareza delicioso. 

    Bolinhas de atún e queixo con maionesa lixeira

    478 Views

    Translate

    Receita sen glute de Lidia Filgueira de “Disfruta Sin Gluten” para Benboa.

    INGREDIENTES (para 12 boliñas):
    • 140 gr. de atún en AOVE escorrido
    • 3 ovos
    • 100 gr. de queixo relado sen glute (utilicei Emmental)
    • 3 culleradas de pan relado sen glute
    • 1 cullerada de fariña de millo
    • 3 culleradas de fariña de améndoa
    • Sal, pementa negra, allo en po
    • AOVE e unhas pingas de zume de limón
    ELABORACIÓN

    Boliñas

    1. – Prequentar o forno a 200º C.
    2. – Mesturar o atún, o queixo relado, un ovo, dúas culleradas de pan relado, unha cullerada de fariña de millo, unha cullerada de AOVE, un chisco de allo en po e salpimentar.
    3. – Para empanar, mesturar tres culleradas de fariña de améndoa e unha cullerada de pan relado.
    4. – Formar boliñas coas mans, empanalas e colocalas sobre a bandexa do forno con papel para enfornar.
    5. – Enfornar a 200º C durante 20 minutos.

    Maionesa lixeira

    1. – Cocer 2 ovos. Reservar e pelar.
    2. – Triturar os 2 ovos cocidos con 4 culleradas de auga, 2 culleradas de AOVE, unhas pingas de limón e un chisco de sal.
    * Perfecto para acompañar con crudités de verduras (cogombro, apio, cenoria) ou patacas cuarteirón ao forno.

      ¿Dúbidas, resultados, agradecementos? Anímate a deixar un comentario nesta receita de Lidia!

       

      A nosa colaboradora é Lidia Filgueira de…

      "Disfruta sin gluten"

      Ségueme nas redes!

      Chámome Lidia e non, non teño formación en cociña. Estudei Dereito, mais deléitome creando receitas naturais e saudables que intento sexan sinxelas e rápidas. 

      Diagnosticáronme a celiaquía hai case 40 anos. Dende entón, e a pesar dos poucos productos e do escaso coñecemento que había, a miña nai sempre se preocupou por atopar receitas sen glute. Gústame a cociña galega e utilizo produtos locais e de tempada. Tamén innovo con diferentes texturas e alimentos sen glute.

      Agardo que vos animedes a cociñar e que o resultado vos pareza delicioso. 

      1001 Recetas del Palacete de las Mendoza

      708 Views

      Traduce el texto/ Translate

       

      Sobre o contido

      Ángel Arcay Barral é un historiador mozo nado en Betanzos (A Coruña), neste libro que acada de auto-editar e que ten por título «1001 Recetas del Palacete de las Mendoza» recolle as interesantes receitas de cociña que as acomodadas irmáns Concha e María do Palacete Mendoza de Pontevedra deixaron por escrito.

      Para contextualizar este volume Arcay tamén contou coa colaboración do profesor do CIFP Carlos Oroza de Pontevedra Ricardo Fernández Guerra, os xornalistas gastronómicos Ana Vega e Jorge Guitián e o investigador e xurista Ernesto Vázquez Rey.

      O autor coñeceu as libretiñas coas receitas das irmáns Mendoza mentres traballaba no arquivo de Pontevedra. Segundo puidemos saber os textos están cheos de curiosidades que estas dúas mulleres avanzadas e modernas aportaban aos seus escritos con orixinalidade e bo humor. Arcay quixo conservar esta esencia e engadiu un glosario de termos ao final do volume así tamén para explicar a orixe de algúns ingredientes que as irmás conseguían en lugares polos que viaxaban. O libro esta escrito en lingua castelá e xa se pode atopar a venda a través de internet.

      Foto Flickr: @juantiagues
      Na actualidade o Palacete das Mendoza que se atopa no casco antigo da cidade de Pontevedra é a Sede do Patronato de Turismo Rías Baixas.

      Sobre o contexto

      Para poder entender, e saborear, as 1001 receitas do Palacete das Mendoza, primeiro hai que entender que supón este lugar para a historia de Galicia.

      Entre as paredes desta mansión da Praza de Santa María, en Pontevedra, as fillas da pintora Carmen Babiano recrearon un mundo aínda descoñecido na Galicia de principios do século XX.

      Un mundo ao que accedían persoas de diferentes procedencias, no que se conversaba en varios idiomas e no que todos os días a caixa de correos da mansión desbordaba con cartas procedentes de varios continentes.

      As súas viaxes, as súas amizades ou a propia formación inculcada pola súa nai, levaron a Concha e a María Mendoza Babiano de Méndez-Núñez a revolucionar a cidade coas súas ocorrencias, que poñían en xaque ás clases máis acomodadas de Pontevedra. Dende sacar en procesión pola cidade un  orixinal de Sargadelos a organizar veladas para homenaxear a Beethoven, dende logo ninguén era indiferente ao alborozo que as irmás levantaban ao seu paso.

      Mulleres cultas, libres, festeiras e cunhas biografías que hoxendía aínda contan con demasiadas sombras pero que elas parece que trataron de debullar entre as liñas dos seus libros de cociña.

      Os seus receitarios, depositados hoxe xunto a todo o seu legado no Museo de Pontevedra, parecen ser anotacións gastronómicas aderezadas con pinceladas da súa vida, das súas amizades e das súas viaxes.

      Poucos receitarios habería na Galicia da época máis cosmopolitas e máis refinados que os da irmáns Mendoza e poucas señoritas habería máis refinadas e cosmopolitas que Concha e María.

       

      1001 recetas del Palacete de las Mendoza

      1001 Recetas del Palacete de las Mendoza

      arcaybarral.es

      Ángel Arcay Barral é un historiador betanceiro que orientou a súa carreira profesional ao mundo dos arquivos. Precisamente do arquivo do Museo de Pontevedra rescatou (e transcribiu) os libros de cociña das irmás  Mendoza.

      Os seus últimos traballos máis destacados teñen que ver tamén coas mulleres, neste caso as espontaneadas de Ferrol e Pontedeume, ou co Parque do Pasatempo de Betanzos.

       

      + cousas que ver…