Breves exercicios diarios sinxelos que nos poñen en forma para o veran
Texto: Andrea Paramos
Sentirse en forma: nutrición, psicoloxía e actividade física.
A hora de levar un estilo de vida saudable, hai tres factores básicos. Un deles é a nutrición, outro a psicoloxía e o último, a actividade física. A gran maioría das veces, cando decidimos facer un cambio na nosa vida, esquecémonos tanto da psicoloxía como da actividade física. Ter unha boa saúde mental é algo imprescindible, xa que nos vai axudar no proceso de cambio, e o mesmo pasa coa actividade física. Podemos tomar o momento de facer deporte como un momento de desconexión de todo o día de traballo, estudos ou os problemas do día a día que nos poden ocorrer.
En ocasións, facer deporte pode resultarnos complicado, porque estamos cansos do traballo ou de estudar, o tempo non acompaña nin anima, pero todo o que poidamos facer, por moi pouco ou insignificante que nos pareza, todo suma.
Non é necesario que nos apuntemos a un ximnasio e que vaiamos 5 días a semana, nin pretender correr unha maratón. Simplemente con uns exercicios que fagamos na casa podemos contribuír a sentirnos mellor con nos mesmos e ter unha vida máis saudable.
Aquí vos deixo unha serie de exercicios que podedes facer na casa pola vosa propia conta, sen necesidade de material específico.
1.Sentadillas
Cos pes abertos a altura dos ombros. Comezamos o exercicio levando a cadeira atrás e flexionando os xeonllos. Manter as costas rectas. No momento de subida, facer forza en glúteos e abdome.
2.Prancha
Apoiamos os antebrazos. Os cóbados deben quedar estar en paralelo cos ombros. Os pes separados ao ancho das cadeiras. O corpo deben quedar en forma de prancha en paralelo ao chan. Aguantar sobre 40 segundos.
3.Flexións
Apoiamos as plantas dos pes e a palma das mans no chan, cos glúteos levantados, mantendo as costas estiradas. Os brazos deben estar estendidos. Unha vez colocados, baixamos co peito cara o chan, para volver ascender a posición inicial.
4.Outra variante de flexións
Na mesma posición anterior, en vez de baixar e subir o tronco, quedamos na posición inicial e vamos a levar o brazo dereito ao ombro esquerdo, e ao contrario.
5.Sit ups
Deitámonos boca arriba. As mans tocan o chan por detrás da cabeza, e as pernas están dobradas. O tronco levántase ata estar sentado e ao chegar a este punto, volve a posición inicial.
6.Zancada búlgara
Colocamos un pe encima da cadeira, mantendo o corpo recto. Baixamos o xeonllo ao chan, mentres a outra perna fai un ángulo de 90°. Alternamos as pernas. É importante utilizar os brazos para estabilizarte.
7.Fondos
Colocamos os brazos estirados a anchura dos ombros, elevando e descendendo o corpo en vertical ata facer un ángulo de 90° co cóbado. O exercicio pódese facer tanto coas pernas estiradas, o esforzo será maior, ou con elas dobradas.
Dúbidas, suxerencias, consellos? Deixalle un comentario a nosa nutricionista ao final deste post!
Andrea Paramos Nutricionista
Andrea Paramos Torreira (A Baña, 1999) estudei Nutrición Humana e Dietética na Universidade de Santiago de Compostela, no campus Terra de Lugo. Dietista – Nutricionista con gañas de poder axudar a xente en cambiar os seus hábitos alimentarios, e así contribuír a unha mellora da súa calidade de vida.
Atópame no facebook : Andrea Paramos Nutricionista
